Trivia

Michelle
Mar 28, 2018
1 min read

Updated: Apr 1, 2018

1. 如何對付冷氣機滴水之嘈音?

Tip:

有一年夏天, 樓上隔幾層某單位滴水, 以前用一匠都無咩野, 轉左用匠半機身較大後,石屎窗台cover不了,即是話,但凡樓上多層是但一戶滴冷氣機水呀,晒衫晾被滴水呀,所有滴落黎既, 我一定中招. 雖然冷氣機滴水聲都幾攞命,但易捉過嘈音, 因為滴水一用長鏡(晚上加埋電筒)一照就知邊個單位, 晚上那種噹噹噹的無間斷高音嘈聲 , 無論我塞左棉花再用埋cushion包頭, 怎樣也聽得很清楚,跟本成晚眼光光只可不停咀咒那住戶, 無野可做. 找當時舊管理署一肚火, 直接找區議員(律師)攪掂.我遲些才分享過程, 因為對於你們作出投訴是有幫助.

嘈音一晚都嚴多, 結果我想出一個方法KO了. 就是一條乾毛巾仔但練到成個波咁款, 放係機頂但對正水滴位罝, 至少把噹噹噹既高音即刻變左低音細聲既打打聲, 加埋關窗耳塞棉花就瞓到了, 頂到好多晚架啦,瞓醒記得把濕透手巾拿走,同埋, 白天就努力投訴啦...其實我唔sure用中或大毛巾會否有更好效果,我怕佢濕左一d後吹左落街會整到人, 所以只用細方巾.